فكره واحدة تغير حياتك

فكرة واحدة فقط قادرة على تغير حياتك بشكل  كامل ..

الأغلبية تعتمد فكرة واحده عن نفسها أو عن حياتها أو ظروفها وتعيش وفقا لها

المشكلة أن هذي الفكرة غالبا سلبية ..

وتعالي عاد ضيعي حياتك بفكرة سلبية  ..

للأسف نجهل عمق تأثير الأفكار اللي نحملها في رؤوسنا

نضيع ونضيّع معنا التيار بأكمله

..

فيكم تغيرون أفكاركم ؟ تصلحون أنفسكم ؟ تعيشون صح ؟

عندكم استعداد حقيقي .. لتبني حياة جديدة  ؟

اذا عندكم !

تعالوا  نتفق على بعض النقاط اللي تغير أفكارنا السلبية ..

وتعطينا أفكار جديدة .. أفكار لحياة مختلفة .. حياة من النوع الممتاز ..

نبدأ من لحظة الضعف اللي تعصف فينا بين فترة وأخرى ..

محد فينا ما يمر بلحظة ضعف

محد فينا ما يفقد نفسه .. يحس إنه لوهلة خسر كل شيء

..

الفرق إن البعض يضل بهذي الدائرة إلى أن تتمكن منه سوداوية أفكاره

إلى أن يضعف تماما ويصير هش ..

وإذا صار هش .. راح يضل طول عمره كذا إلى أن ينفض عن نفسه

هالأفكار ويقوم من جديد ..

إلى أن يعتنق الحياة مجددا

لما تمرين بمرحلة ضعف .. خذلان .. انكسار ..

ابعدي فترة عن نفسك

تهربي لأي شيء .. انشغلي بأمور عديدة

إلا الفراغ والاختلاء  بالنفس تجنبيه  لا تضغطين على نفسك اطلاقا

 وقت ما تجدين في نفسك القدرة على مواجهة هذي الأفكار

اجلسي مع نفسك ..

وازني أمورك وشوفي ايش بيدك ايش طالع معك وتقدرين تسوينه بخصوصها

اذا فيه سويه وتخلصي منها واذا مافيه تساءلي

ليش هذي الأفكار تسيطر عليك .. ؟

واجهيها

وجربي تقحمين نفسك في عراك حقيقي معها ..

وتتنصرين .. لنفسك

يقول ايمرسون  : " افعل الشيء الذي تخشاه فستجد أن هذا هو نهاية الخوف في داخلك "

وتذكري .. واجهي مخاوفك فقط لما تجدين في نفسك القوة والقدرة على مواجهتها

...

يقال " إن السلبية والإيجابية هما عادات في التفكير لها تأثير كبير في حياتنا "

مين يؤمن معي إن التوجهات الإيجابية في الحياة تحسن الصحة وتعطي شعور بالراحة !!

طيب مين يؤمن معي أيضا أن السلبية ما وراها إلا ضيقة الصدر !!

يعني حاليا متفقين تماما إن هالعادات ممكن تحسن صحتنا ومكن تضرنا ..

طيب ليه ما نختار الأفكار الإيجابية .. أسلم وأضمن

طيب يا روضه وش نسوي مع الأفكار السلبية اللي ممكن تطري علينا

أنا أقولك : سطحي كل فكرة سلبية تمر عليك .. يعني استسخفيها

..

لا تبالغين بالأفكار السلبية على الإطلاق .. لا تعطينها حجم ولا تعطينها هالة

عادي مهما كانت كبيره بنظرك قولي اصلا سخيفه وش هذا مالها داعي

عطي نفسك الشعور اللي أنا أصلا مو مهتمه لهالفكره ولا طاقه لها خبر ..

مع الوقت بتحصلين نفسك تسطحين كل فكرة سلبية ممكن تمر على بالك ..

خلي تسطيح الأمور السلبية عادة ..

وعيشي حياتك ..

....

طيب روضه أنا أعتقد إني كذا .. أنا أشوف نفسي مو فالحه في كذا ..

روضه أنا ماعندي ثقة في كذا ..

حبيبتي اسمعيني ..

أفكارك السلبية عن نفسك ماهي ثوابت

ماهي ايش ؟؟؟ ماهي ثوابت على الإطلاق

دامك اعتقدتي بالمرة الأولى إنك كذا

فأنتِ قادرة تعتقدين مره ثانيه العكس ..

دام أنتِ متكفله بجانب الاعتقاد الخاص فيك مو غيرك .. فمن السهل تغير معتقداتك

روضه يا روضه وصلتي خير غيري اللي هم الناس .. واعتقاداتهم وأفكارهم السلبية عني  وش أسوي فيها

أحب أقول لك عزيزتي ..

مثل ما قال باولو كويلو  : " إذا كنت لا تخاف مما سوف يقوله الناس ، فأنت قد اجتزت الخطوة الأولى للنجاح "

الخطوة الأولى للنجاح عزيزتي ..

النجاح وبس ..

ويا حلونا لما نعيش حياة ناجحه بكل الجوانب ..

..

نجي لآخر نقطتين بهالخصوص .. اللي هم

1-   الثقة بالله عز وجل

2-   التصميم والإرادة ..

الله سبحانه هو القادر على معونتك  وتوفيقك .. هو القادر على مدك بالصبر اللازم .. تعلمي لذة اللجوء له سبحانه و مناجاته .. الدعاء ثم الدعاء والتوكل عليه .. التوكل التام مع بذل الأسباب .. الأسباب اللي تتلخص في رغبك وسعيك الحقيقي لنبذ كل الأفكار السوداوية في حياتك ..

أما التصميم والإرادة فهم المعين بعد الله في طريقك للتغير ..

اذا ما وجدتي في نفسك روح التصميم والرغبة الحقيقية وقوة الإرادة

صدقيني كل محاولاتك راح تضيع

استنهضي كل الاسباب اللي تخليك ترفضين خضوعك لهالافكار السلبية

وحطيها نصب عينيك واعقدي العزم على التغيير ..

يقال

" التفكير الإيجابي هو أن تتوقع وأن تتحدث وأن تتصور بإيمان كبير ما تريد أن تحققه كما لو كان حقيقه واقعة "

وبالخدمة

أختكم : روضه الفضلي