#الإيجابية_جاذبية

الإيجابية جاذبية 

أهلا صديقات المدونة .. اليوم راح أصحبكم بأهم فكرة أؤمن فيها (الطاقة الإيجابية )

ماراح أعطيكم تكنيك معين للنجاح لأني سبق وتكلمت عنه بالمدونة

ماراح أتكلم عن توتر الاختبارات وأجواء المذاكرة و و و و  كل الأمور سبق وتناولتها

راح أصحبكم في رحلة في عمق أنفسكم البشرية ..

شيء كلكم تمتلكونه .. والبعض يجهل كيف يستغله تماما

راح أعطيكم السر الحقيقي للجاذبية ألا وهو " الطاقة الإيجابية "

#الإيجابية_جاذبية

يلا نبلش ..

بداية عزيزتي القارئة أحتاج منك ورقة وقلم

اكتبي بخط عريض هدفك الحقيقي القريب لقلبك اللي تحتاجين تحققينه بالفعل

كتبتيه ؟

تمام ..

أوعديني تنفذين كل شيء أقوله بحذافيره .. واذا ماتقدرين هالمره قفلي المدونة وارجعي بوقت أنتِ مستعدة فعليا ..

راح أعطيكم تمرين سهل ..  عباره عن تمرين تخيل

(.. هالتمرين ينجح مع ناس بسرعه وناس لا )

الناس اللي مانجح معهم يحتاجون تدريب .. جربوه مره ومرتين وثلاث لين ينجح معكم  ..

غمضي عيونك

 بس قبل راح أقولك ايش محتاجه منك تتخيلين ..

تخيلي معي أنك حققتي الهدف اللي كتبتيه بالورقه  وصرتي الشخص اللي تطمحين تكونينه

تخيلي الصورة اللي أنتِ عليه

شكلك

 طريقة كلامك

الناس اللي تتعاملين معهم

تصميم المكان ..

كل التفاصيل اللي فيه ..

جدولة أعمالك ..

أدق أدق التفاصيل اللي تهمك ..

خلي الإحساس بالشيء ينبع من مخيلتك ويوصل لكل خليه بجسمك..

خذي راحتك وأنتِ تتجولين بهالمكان اللي بمخيلتك وتنفسي بعمق

ألحين

غمضي عيونك وعيشي الشعور

.

.

.

عشتي الشعور .. ابتسمتي ؟

أنا أحتاج ابتسامتك هذي .. احتاج السعادة الداخليه اللي انتابتك بهاللحظة

أحتاج الطاقه اللي سرت بكل جسمك ..

لأنها هي الطاقة الإيجابية الكامنة فيك ..

التخيل هو اللي أعطاكم كل هالطاقة الإيجابية ..

التخيل هو احد المميزات والملكات العقلية اللي الله خص فيها الإنسان

طيب يا روضه .. أعطيتينا هالتمرين وجربناه وحسينا بالطاقه وبعدين شلون نستفيد  ؟

أنا راح أجاوبكم

الطاقه هذي تحتاج توجيه وتحتاج دعم صح  !

لا مو صح أبدا مو صح

 .. الطاقة الإيجابية

تحتاج شخص قوي يؤمن فيها وبنفسه

الطاقه مارد .. ماتحتاج شخص ضعيف

تحتاج شخص قوي بمعنى الكلمة  

شخص فاهم شخص مدرك

شخص صاحب قرار .. بتغير حياته للأفضل

الطاقه ماراح تعطيك شيء أذا أنتِ ما أعطيتيها ..

تخيلي معي . بشكل أبسط

أنتِ عندك مسبح بس والله  ما تعلمتي السباحة !!

معك سلاح بس والله ماتعرفين للرماية !!

معك مفتاح سياره بس ماتعرفين تسوقين!!

مثال أبسط من كذا ولا يهمكم

معك كحل سايل بس ماتعرفين ترسمين عيونك فيه ..!!

بتستفيدين !! أكيد لا ..

شفتي كيف !!

الطاقة الإيجابية  .. مثلهم بالضبط تحتاجك أنتِ

ماتحتاج دعم أو توجيه غيرك ..

تحتاج تؤمنين بنفسك وفيها عشان تستفيدين منها

كثيررر بنات يجوني روضه ساعديني روضه شجعيني.. لكن  ..

بس بالأساس .. " هي داخليا مو مستعدة وماتبي تغير من نفسها "

أقدر أعطيك كلام إيجابي وأعطيك الحماس والدافعيه وأنجح معك والحمد لله على هالثقه وهذا النجاح اللي أحققه لك ولي

لكن طاقتي اللي أعطيتك اياها كم يوم بتستمر معك !!

يوم يومين ؟؟

أنا أحتاج طاقة داخليه تستمر معك العمر كله ..

هالطاقة أنا ما أقدر أعطيك إياها .. 

أنتِ الشخص الوحيد اللي يقدر يعطي نفسه هالطاقه وهالدافعية ..

..

مابكون معك بلحظة ضعفك لما تنزل دموعك غصب وأنتِ تنهارين وتتراجعين لأي سبب كان

مابكون حولك باللحظة اللي تدورين فيها يد تمسح على كتفك وتطمنك  لما تتوترين

مابكون معك بلحظة الألم الداخلي اللي تحسين فيه وأنتِ تشوفين إنك إنظلمتي .. بدرجة أو معاملة أو أو

الشخص الوحيد اللي بيحس فيك ويكون معك ..

الشخص اللي بيقول لضعفك ستوووب أنتِ قدها ونص

الشخص اللي بيقول لك لا مو وقت التوتر ألحين مو وقت التراجع مو وقت التخاذل..

هو أنتِ نفسك .. ..

نفسك وبس ..

ساعدي هالطاقة الإيجابية اللي بداخلك ..  لأن الطاقة #الإيجابية _جاذبيه ..

جاذبية بينك وبين كل شيء زين تتمنيه وتسعين له

جاذبية بينك وبين الإيجابية كل ما آمنتي فيها  كل مازادت

جاذبيه لك .. كونك شخص ايجابي اذا طاقتك راح تكون سبب جاذبيه كبير لك  

جاذبيه .. راح تتنقل منك لغيرك ومن غيرك لك

عطي نفسك المجال  هالمره

استغلي ملكة التخيل اللي ربي حباك فيها

أنسي كل شخص مثبط حولك يقول : ( هذا كله كلام وما يفيد )

انسيه تماما وامحي كلامه من حياتك ..

الكلام اللي نؤمن فيه راح يتحول حقيقة ..

بمجرد الإيمان فيه

كل شيء فيك عطيه القوة الكافية .. وراح يعطيك اللي تحتاجينه منه

وتذكروا دائما #الإيجابية_جاذبية

أختكم روضه الفضلي